![]() | |
អ្នកខ្ចីជនជាតិដើមភាគតិចគ្រឹងដើរពីផ្ទះពីកន្លែងធ្វើស្រែចម្ការនៅឃុំអូរជុំ ខេត្តរតនគិរី ប្រទេសកម្ពុជា។ |
សង្ខេប
ស្ថាប័នហិរញ្ញវត្ថុអន្តរជាតិ ធនាគារអភិវឌ្ឍន៍ដែលគ្រប់គ្រងដោយរដ្ឋបរទេស និងអ្នកវិនិយោគឯកជនបានបញ្ឆេះវិបត្តិនៃការជំពាក់បំណុលលើសនៅកម្ពុជា តាមរយៈការវិនិយោគរបស់ពួកគេក្នុងវិស័យមីក្រូហិរញ្ញវត្ថុ។ ធនាគារ និងគ្រឹះស្ថានមីក្រូហិរញ្ញវត្ថុកម្ពុជា ដែលបានទទួលការវិនិយោគពីបរទេស បានចូលរួមក្នុងការអនុវត្តការផ្តល់ប្រាក់កម្ចី និងការប្រមូលប្រាក់យ៉ាងឃោឃៅ ដោយបានចាប់ប្រជាជនកម្ពុជារាប់លាននាក់នៅក្នុងអន្ទាក់បំណុល និងនាំឱ្យមានការលក់ដីធ្លីដោយបង្ខំ ការបាត់បង់មធ្យោបាយចិញ្ចឹមជីវិត ពលកម្មកុមារ កាត់បន្ថយការប្រើប្រាស់ស្បៀងអាហារ និងការធ្វើអត្តឃាតបំណុល។